خیبرپختونخوا اسمبلی کا اجلاس ارباب نیاز اسٹیڈیم میں بلانے کا فیصلہ، قانونی سوالات اٹھنے لگے
پشاور: خیبرپختونخوا اسمبلی کا اجلاس 22 اپریل کو عمران خان کرکٹ اسٹیڈیم میں طلب کیے جانے کے فیصلے پر قانونی اور آئینی حلقوں میں سوالات اٹھنا شروع ہو گئے ہیں۔
اسمبلی سیکریٹریٹ کی جانب سے جاری نوٹس کے مطابق اجلاس روایتی اسمبلی ہال کے بجائے ارباب نیاز کرکٹ اسٹیڈیم میں منعقد کیا جائے گا۔ اس غیر معمولی فیصلے نے اسمبلی قواعد و ضوابط، انتظامی اختیارات اور آئینی جواز کے حوالے سے نئی بحث چھیڑ دی ہے۔
قانونی ماہرین کے مطابق کسی بھی اسمبلی اجلاس کا متبادل مقام پر انعقاد بذات خود غیر قانونی قرار نہیں دیا جا سکتا، تاہم یہ دیکھنا ضروری ہے کہ آیا خیبرپختونخوا اسمبلی کے قواعد میں اسپیکر یا اسمبلی سیکریٹریٹ کو اجلاس کا مقام تبدیل کرنے کا اختیار حاصل ہے یا نہیں۔
ماہرین کا کہنا ہے کہ اگر قواعد میں اس کی گنجائش موجود ہے تو اجلاس قانونی تصور ہوگا، لیکن اگر واضح قانونی اختیار موجود نہ ہو تو یہ فیصلہ عدالت میں چیلنج کیا جا سکتا ہے۔
قانونی حلقوں کے مطابق پشاور ہائیکورٹ صرف اسی صورت میں مداخلت کر سکتی ہے جب یہ ثابت ہو کہ اجلاس کے مقام کی تبدیلی اسمبلی قواعد کے خلاف ہے، ارکان اسمبلی کے حقوق متاثر ہو رہے ہیں یا فیصلہ بدنیتی پر مبنی ہے۔
سیاسی مبصرین کے مطابق اسمبلی اجلاس کے لیے اسٹیڈیم جیسے مقام کا انتخاب غیر معمولی ضرور ہے، تاہم اس کے قانونی جواز کا تعین اسمبلی قواعد اور انتظامی اختیار کی بنیاد پر ہوگا۔
دوسری جانب ابھی تک اسمبلی سیکریٹریٹ کی جانب سے اجلاس کے مقام کی تبدیلی کی وجوہات باضابطہ طور پر سامنے نہیں لائی گئیں، جس کے باعث سیاسی و قانونی حلقوں میں مزید سوالات جنم لے رہے ہیں۔
ماہرین کے مطابق اگر اس اقدام کے خلاف عدالت سے رجوع کیا جاتا ہے تو بنیادی سوال یہی ہوگا کہ آیا اسمبلی قواعد کے تحت اجلاس کا مقام تبدیل کرنے کی اجازت موجود تھی یا نہیں۔
قانونی ماہرین کا کہنا ہے کہ محض سیاسی اعتراض کی بنیاد پر عدالت مداخلت نہیں کرتی، اس کے لیے واضح قانونی خلاف ورزی ثابت کرنا ضروری ہوتا ہے۔
خیبرپختونخوا اسمبلی کا اجلاس ارباب نیاز اسٹیڈیم میں بلانے کا فیصلہ: خیبرپختونخوا اسمبلی کا اجلاس 22 اپریل کو عمران خان کرکٹ اسٹیڈیم میں طلب
