انتہا پسند صہیونی رہنما بن گویر امید ظاہر کی ہے کہ نتن یاہو امریکہ سے فلسطینی ریاست کے قیام نہیں بلکہ حماس کے خاتمے کے فیصلے کے ساتھ لوٹیں گے۔
مقبوضہ فلسطین – غیر ملکی میڈیا کے حوالے سے اعتماد نیوز کے مطابق، انتہا پسند صہیونی رہنما ایتمار بن گویر نے نتن یاہو کے دورۂ واشنگٹن پر ردعمل میں کہا ہے کہ امید ہے نتن یاہو امریکہ سے فلسطینی ریاست کے قیام نہیں بلکہ حماس کے خاتمے کے فیصلے کے ساتھ لوٹیں گے۔
انہوں نے کہا کہ جب تک حماس موجود ہے، غزہ جنگ کے اہداف مکمل نہیں ہو سکتے۔
دراین اثناء امریکی ایوان نمائندگان کے اسپیکر نے کہا ہے کہ وہ جمعرات کے روز اپنے دفتر میں بنیامین نتن یاہو سے ملاقات کریں گے۔
خیال رہے کہ صہیونی اخبار معاریو کے مطابق نتن یاہو کے طیارے نے واشنگٹن کے سفر کے دوران ایک غیر معمولی راستہ اختیار کیا تاکہ ان ممالک کی فضائی حدود میں داخل ہونے سے بچا جاسکے جو ان کے خلاف گرفتاری کے وارنٹ پر عمل درآمد کا عندیہ دے چکے ہیں۔