صوبائی حکومت کے احکامات اور ڈپٹی کمشنر مانسہرہ کی ہدایات پر اسسٹنٹ کمشنر مانسہرہ محترمہ ثناء فاطمہ نے آج ٹی ایم او مانسہرہ کے ہمراہ مین بازار اور چیہرا بازار میں تجاوزات کے خلاف جاری آپریشن کی نگرانی کی۔ آپریشن کے دوران سڑکوں، فٹ پاتھوں اور بازاروں میں قائم غیر قانونی تجاوزات کو ہٹانے کے عمل کا جائزہ لیا گیا تاکہ شہریوں اور خریداروں کو آمدورفت میں درپیش مشکلات کا خاتمہ کیا جا سکے۔ اس موقع پر واضح کیا گیا کہ بازاروں کی کشادگی، ٹریفک کی روانی اور پیدل چلنے والوں کے لیے راستوں کی دستیابی محض انتظامی کارروائی نہیں بلکہ شہریوں کا بنیادی حق ہے۔ دکانداروں کو بھی ہدایت کی گئی کہ وہ مقررہ حدود میں رہتے ہوئے کاروبار کریں اور سرکاری راستوں پر سامان رکھ کر عوام کے لیے مشکلات پیدا نہ کریں۔ ضلعی انتظامیہ کی جانب سے واضح کیا گیا کہ تجاوزات کے خاتمے کے لیے کارروائیاں وقتی نہیں بلکہ تسلسل کے ساتھ جاری رہیں گی، جبکہ دوبارہ خلاف ورزی کرنے والوں کے خلاف قانون کے مطابق کارروائی عمل میں لائی جائے گی۔ صاف، کشادہ اور منظم مانسہرہ — عوامی سہولت، بہتر شہری ماحول اور مؤثر انتظامی نگرانی ہماری ترجیح ہے۔ Post navigation گوجرانوالہ، کھیالی شاہ پور ٹاؤن میں ڈینگی سرویلنس ناکام، سپرے صرف کاغذوں میں مانسہرہ میں سرکاری ملازمتوں کے نام پر مبینہ فراڈ، پشاور ہائی کورٹ ایبٹ آباد بینچ نے تینوں ملزمان کی ضمانتیں خارج کر دیں
