پاکستان کی آسٹریلیا کو پہلے ون ڈے میں 5 وکٹوں سے شکست

راولپنڈی: پاکستان نے آسٹریلیا کو پہلے ون ڈے میں 5 وکٹوں سے شکست دے دی۔

Thank you for reading this post, don't forget to subscribe!

پاکستان اور آسٹریلیا کے درمیان تین ون ڈے میچز پر مشتمل سیریز کے پہلے میچ میں پاکستان کے کپتان شاہین آفریدی نے ٹاس جیت کر پہلے بولنگ کرنے کا فیصلہ کیا تھا۔

آسٹریلیا کی ٹیم 44.1 اوورز میں 200 رنز بنا کر آؤٹ ہو گئی، آسٹریلیا کی جانب سے میٹ رینشا 61 اور میتھیو شارٹ 55 رنز بنا کر نمایاں بلے باز رہے۔

آسٹریلوی الیکس کیری نے 19 ، کپتان جوش انگلس نے 13 ، نیتھن ایلس نے 8 اور اولیور پیک نے 7 رنز بنائے، آسٹریلیا کے 3 کھلاڑی کھاتہ ہی نہ کھول سکے۔

پاکستان کی جانب سے عرفات منہاس نے 5 وکٹیں حاصل کیں، ابرار احمد نے 2 کھلاڑیوں کو پویلین کی راہ دکھائی جبکہ شاہین شاہ آفریدی، حارث رؤف اور سلمان علی آغا نے ایک، ایک وکٹ حاصل کی۔

ہدف کے تعاقب میں پاکستان کے کھلاڑیوں سے شاندار کارکردگی کا مظاہرہ کرتے ہوئے 201رنز کا ہدف42.3اوورز میں 5وکٹوں کے نقصان پر حاصل کیا۔

پاکستان کی جانب سے بابر اعظم 69اور محمد غازی غوری 65رنز بنا کر نمایاں رہے جب کہ صاحبزادہ فرحان نے 28اور معاذ صداقت نے 8رنز بنائے۔