اسلام آباد میں سرکاری ملازمین کا دھرنا و احتجاج

پریس ریلیز( )5 جون اسلام آباد دھرنے کا بائیکاٹ، سرکاری ملازمین صوبائی سطح پر احتجاج کریں گے . اورنگزیب کشمیری
اٹھارویں ترمیم کے بعد اختیارات صوبوں کو منتقل، اسلام آباد احتجاج بے سود ہے .اورنگزیب کشمیری

Thank you for reading this post, don't forget to subscribe!

خیبرپختونخوا کے سرکاری ملازمین 5 جون کے دھرنے میں شریک نہیں ہوں گے . اورنگزیب کشمیری

12 جون کو صوبائی اسمبلی کے سامنے بھرپور دھرنا دیا جائے گا . اورنگزیب کشمیری

تفصیلات کے مطابق ایپکا پاکستان نے 5 جون کو اسلام آباد میں ہونے والے احتجاجی دھرنے سے باضابطہ بائیکاٹ کا اعلان کر دیا ہے، جبکہ صوبہ خیبرپختونخوا کے سرکاری ملازمین نے اپنے مطالبات کے حق میں 12 جون کو صوبائی بجٹ کے موقع پر صوبائی اسمبلی کے سامنے احتجاجی دھرنا دینے کا فیصلہ کیا ہے۔

ان خیالات کا اظہار حاجی اورنگزیب کشمیری، مرکزی چیئرمین انٹرنیشنل ہیومن رائٹس فیڈریشن آف پاکستان، مرکزی سیکرٹری جنرل ایپکا پاکستان نے میڈیا نمائندگان سے گفتگو کرتے ہوئے کیا۔

انہوں نے کہا کہ اٹھارویں آئینی ترمیم کے بعد سرکاری ملازمین سے متعلق بیشتر اختیارات صوبوں کو منتقل ہو چکے ہیں، اس لیے اسلام آباد میں احتجاج کرنے سے ملازمین کو کوئی عملی فائدہ حاصل نہیں ہوگا۔ ان کا کہنا تھا کہ ملازمین کے مسائل اور مطالبات کا حل صوبائی حکومتوں کے پاس ہے، لہٰذا احتجاج کا رخ بھی صوبائی دارالحکومتوں کی جانب ہونا چاہیے۔

اورنگزیب کشمیری نے الزام عائد کیا کہ رحمان علی باجوہ نے ماضی میں سرکاری ملازمین کو بارہا اپنے ذاتی مفادات کے لیے استعمال کیا اور ملازمین کے حقیقی مسائل کے حل کے لیے مؤثر کردار ادا نہیں کیا۔ انہوں نے کہا کہ خیبرپختونخوا کی مختلف ملازم تنظیموں کی قیادت نے متفقہ طور پر فیصلہ کیا ہے کہ 5 جون کے اسلام آباد دھرنے میں شرکت نہیں کی جائے گی۔

انہوں نے مزید کہا کہ صوبہ بھر کے سرکاری ملازمین 12 جون کو صوبائی بجٹ کے دن صوبائی اسمبلی کے سامنے بھرپور احتجاجی دھرنا دیں گے اور اپنے جائز مطالبات کے حق میں آواز بلند کریں گے۔ انہوں نے تمام سرکاری ملازمین سے اپیل کی کہ وہ اپنے حقوق کے حصول کے لیے صوبائی سطح پر ہونے والے احتجاج میں بھرپور شرکت کو یقینی بنائیں۔