سعودی عرب اور یوکرین: دفاعی و تزویراتی تعاون

Thank you for reading this post, don't forget to subscribe!

1. جدہ: سعودی ولی عہد شہزادہ محمد بن سلمان اور یوکرینی صدر ولودیمیر زیلنسکی کے درمیان اہم ملاقات۔
ملاقات میں مشرقِ وسطیٰ اور یوکرین کے بحران پر تفصیلی تبادلہ خیال کیا گیا۔
دونوں رہنماؤں نے عالمی سلامتی، فضائی دفاعی تعاون اور دوطرفہ تعلقات کو مزید مضبوط بنانے کے عزم کا اعادہ کیا۔
2. عالمی توانائی ایجنسی (IAEA) کی بڑی وارننگ
ویانا: آئی اے ای اے (IAEA) نے ایران میں حالیہ حملوں کے بعد جوہری حادثات کے خطرے سے خبردار کر دیا۔
ڈائریکٹر جنرل رافیل گروسی کا کہنا ہے کہ کسی بھی جوہری تنصیب کو نشانہ بنانا تابکاری کے اخراج کا سبب بن سکتا ہے، جو پورے خطے کو متاثر کرے گا۔
ایجنسی نے تمام فریقین سے جوہری تحفظ کے اصولوں پر عملدرآمد اور زیادہ سے زیادہ تحمل کا مطالبہ کیا ہے۔
3. قطر اور امریکہ: دفاعی بات چیت
واشنگٹن: قطری وزیراعظم شیخ محمد بن عبدالرحمن کی امریکی وزیرِ جنگ (Secretary of War) پیٹ ہیگستھ سے ملاقات۔
ملاقات میں دفاعی اور سیکیورٹی تعاون کو نئی بلندیوں تک لے جانے اور علاقائی استحکام کے لیے مشترکہ اقدامات پر غور کیا گیا۔
4. پاک-امریکہ تعلقات اور انسدادِ دہشت گردی
امریکی کانگریس: پاک-امریکہ شراکت داری کے 80 سال مکمل ہونے پر تاریخی سمپوزیم کا انعقاد۔
امریکی اراکینِ کانگریس کا اعتراف: “پاکستان دہشت گردی کے خلاف جنگ میں صف اول کا ملک ہے اور اس کی قربانیوں کو عالمی سطح پر تسلیم کیا جانا چاہیے۔”
مقررین نے کہا کہ پاکستان افغان سرزمین سے ہونے والی دہشت گردی کی بھاری قیمت چکا رہا ہے، امریکہ پاکستان میں سرمایہ کاری بڑھانے کا خواہاں ہے۔
5. عالمی بینک (World Bank) کی رپورٹ: معاشی اثرات
عالمی بینک نے خبردار کیا ہے کہ مشرقِ وسطیٰ کے تنازع سے عالمی سپلائی چین شدید متاثر ہو رہی ہے۔
مارچ میں خام تیل کی قیمتوں میں 40 فیصد تک اضافہ ریکارڈ کیا گیا، جبکہ کھادوں اور گیس کی قیمتیں بھی تیزی سے بڑھ رہی ہیں۔
رپورٹ کے مطابق نقل و حمل کے بڑھتے اخراجات ابھرتی ہوئی مارکیٹوں اور ملازمتوں پر دباؤ ڈال رہے ہیں۔
6. امریکی خارجہ پالیسی اور نیٹو (NATO) پر تنقید
امریکی وزیرِ خارجہ کی جانب سے یورپی اتحادیوں اور نیٹو پر تنقید: “جب ہمیں ضرورت پڑی تو نیٹو سے ویسا ردِعمل نہیں ملا جیسا ہونا چاہیے تھا۔”
بعض یورپی رہنماؤں کا موقف: “یوکرین کا تنازع یورپ یا امریکہ کی جنگ نہیں، لیکن ہم نے پھر بھی بھرپور مدد فراہم کی۔”