وزیر اعلٰی پنجاب مریم نواز کا پنجاب بھر میں صفائی ٹیکس لاگو کرنے کا اعلان، نئے مالی سال سے وصولی شروع

5 مرلے کے گھر پر 300 روپے، دس مرلہ 500 روپے ماہانہ صفائی ٹیکس دینا ہوگا، 1مرلہ دکان پر سالانہ ایک ہزار روپے ٹیکس بھرنا ہو گا

شادی ہالز، شاپنگ مالز، پرائیویٹ کلینکس کے مالکان 72 سو روپے صفائی ٹیکس دینگے، ہوٹل،ریسٹورنٹس ،انڈسٹریل یونٹس سے 9 ہزار 6 سو روپے صفائی ٹیکس لیا جائے گا
لاہور سمیت پنجاب بھر میں صفائی ٹیکس لاگو کر دیا گیا۔دستاویزات کے مطابق5 مرلے کے گھر پر 300 روپے، دس مرلہ 500 روپے ماہانہ صفائی ٹیکس دینا ہو گا، ایک مرلہ دکان پر سالانہ ایک ہزار روپے ٹیکس بھرنا ہو گا، 2سے 5 مرلہ دکان پر سالانہ 2 ہزار روپے صفائی ٹیکس دینا ہو گا، بینک، کمرشل مارکیٹس یونٹس سے 48 سو روپے سالانہ صفائی ٹیکس لیا جائے گا۔اس کے علاوہ شادی ہالز، شاپنگ مالز، پرائیویٹ کلینکس کے مالکان 72 سو روپے صفائی ٹیکس دیں گے، ہوٹل،ریسٹورنٹس ،انڈسٹریل یونٹس سے 9 ہزار 6 سو روپے صفائی ٹیکس لیا جائے گا۔سمری کے مطابق مال روڈ، ہال روڈ، شادمان، مون مارکیٹ، گلشن راوی جیسی بڑی مارکیٹس صفائی ٹیکس کی اے کیٹیگری میں شامل ہیں، گلبرگ، لبرٹی مارکیٹ، ایم ایم عالم روڈ، گارڈن ٹاؤن، شاہ عالم مارکیٹ، ٹاؤن شپ، فیصل ٹاؤن بھی اے کیٹیگری میں شامل ہیں، ذرائع کے مطابق صوبے بھر میں صفائی ٹیکس لگنے سے 160 ارب روپے کا ریونیو اکٹھا ہو گا۔صوبائی وزیر بلدیات پنجاب ذیشان رفیق نے بتایا کہ صفائی ٹیکس کی سمری کابینہ کمیٹی میں منظوری کے لئے بھجوا دی گئی ہے، ٹیکس وصولی نئے مالی سال سے شروع ہو گی۔

About The Author

اردو نیوز

اردو نیوز اردو اے بی سی کے ایڈمن ہیں اور گزشتہ ۸ سال سے یہ فرائص سر انجام دے رہے ہیں۔

See author's posts